Ársfundur Landsvirkjunar - myndir

Ársfundur Landsvirkjunar var haldinn með mikilli viðhöfn í Silfurbergi í Hörpu í gær þar sem 10 manns voru á mælendaskrá.

Þórdís Kolbrún Gylfadóttir, ferðamála-, iðnaðar og nýsköpunarráðherra opnaði samkomuna og tilkynnti m.a. um fyrirhuguð kaup ríkisins á Landsneti.

Hörður Arnarson, forstjóri Landsvirkjunar, fór yfir starfsemi Landsvirkjunar en fyrirtækið skilaði methagnaði á grunnrekstri og hefur aldrei skilað meiri tekjum 55 ára sögu fyrirtækisins.

Hér að neðan má sjá myndir af fundinum en á meðal þeirra sem tóku til máls að auki voru þau Jónas Þór Guðmundsson, stjórnarformaður Landsvirkjunar, Ragna Árnadóttir, aðstoðarforstjóri, Björk Guðmundsdóttir, verkefnisstjóri, Stefán Kári Sveinbjörnsson, verkefnisstjóri,  Ólöf Rós Káradóttir verkefnisstjóri, Rafnar Lárusson, fjármálastjóri, Stefanía G. Halldórsdóttir, framkvæmdastjóri markaðs- og viðskiptaþróunarsviðs. Fundarstjóri var Gerður Björk Kjærnested.