10 milljarðar í arð

Stjórn Arion banka leggur það til við aðalfund bankans, sem haldinn verður 20. mars næstkomandi, að greiddur verði út arður til hluthafa sem nemi 5 kr. á hvern hlut. Það jafngildir arðgreiðslu upp á 10 milljarða króna. Þá gera tillögur stjórnar ráð fyrir lækkun hlutafjár sem nemur 186 milljónum kr. að nafnvirði og felur það í sér jöfnun á eigin hlutum bankans.

Miðað við gengi bréfa bankans í Kauphöll jafngildir lækkunin tæpum 13,8 milljörðum króna. Þá gerir stjórnin einnig tillögu um að stjórnarlaun bankans hækki um 5%. Þannig fari mánaðarlaun stjórnarmanna úr 453.900 kr. í 476.600 kr. Laun varaformanns fari úr 680.793 kr. í 714.800 og laun stjórnarformanns úr 907.423 kr. í 952.800 kr.

Þessar fjárhæðir tvöfaldast hins vegar í þeim tilvikum þar sem stjórnarmenn eru erlendir. Núverandi stjórnarformaður er Eva Cderbalk. Verði hún endurkjörin formaður verða stjórnarlaun hennar 1.905.600 kr. á mánuði.

Sjá fréttina í ViðskiptaMogganum í dag.