Lögfræðingurinn Aldís Kristín Árnadóttir Firman er í hópi 100 efstu kvenfrumkvöðla minni fyrirtækja í Bretlandi undir hatti herferðarinnar #ialso sem f:entrepreneur rekur. Topp 100 listinn er sérstaklega settur saman í tilefni Alþjóðadags kvenna sem er í dag.
Í fréttatilkynningu frá f:entrepreneur kemur fram að Aldís sé uppalin í Reykjavík á Íslandi en hafi búið í Lundúnum síðustu 17 ár.
Hún er annar stofnanda Lilou et Loïc sem framleiðir hágæða ilmvörur fyrir heimili og fyrirtæki en fyrirtækið framleiðir meðal annars fyrir konungshöllina í Bretlandi. Það var stofnað árið 2011 og Aldís tók við sem framkvæmdastjóri fyrir fjórum árum.