Horft til stærri ökutækja

Orkuskipti bílaflota Íslendinga ganga almennt hratt og vel að mati Jóns Björns Skúlasonar, framkvæmdastjóra Íslenskrar Nýorku, en ganga þarf lengra til þess að ná fram þeim samdrætti í kolefnislosun sem Parísarsáttmálinn kveður á um. Er þá einkum horft til stærri ökutækja, á borð við rútur, flutningabíla og strætisvagna.

„Við erum að horfa mikið á það þessa dagana að reyna að koma þessum stærri ökutækjum á vistvænt eldsneyti. Staðan í dag er raunverulega sú að það eru engar ívilnanir í gangi. Þær tillögur sem nú liggja fyrir í Fjármálaráðuneytinu eru góðar en nægja sennilega ekki til þess að hreyfa við stærri fyrirtækjum,“ segir Jón Björn í samtali við ViðskiptaMoggann. Hann segir tillögurnar vera stórt skref fram á við og að mörg ríki horfi til þessara hugmynda Íslendinga.

Sjá fréttina í heild sinni í ViðskiptaMogganum í dag.