Kröfu bandarísku flugvélaleigunnar ALC um að Isavia aflétti kyrrsetningu á flugvél fyrirtækisins, sem hefur verið kyrrsett á Keflavíkurflugvelli frá gjaldþroti WOW air í lok mars, var vísað frá í Héraðsdómi Reykjaness í dag.

Greint var frá málinu á vef RÚV. ALC er gert að greiða Isavia 800 þúsund krónur í málskostnað.

Vélin, Airbus A321 með númerinu TF-GPA, sem áður var í notkun hjá WOW air, hefur lengstan tíma kyrrsetningarinnar staðið á flughlaðinu í Keflavík. Hún var þó færð inn í flugskýli um miðjan maí til viðhalds.

Héraðsdómur Reykjaness komst að þeirri niðurstöðu í byrjun maí að Isa­via væri heim­ilt að halda vél­inni vegna þeirra gjalda sem henni tengj­ast, en ekki vegna annarra skulda WOW air við Isa­via. 

Isavia kærði niðurstöðuna til Landsréttar sem hafnaði einnig kröfum ALC um að fá vélina afhenta. 

Tengdar fréttir

Sviptivindar í flugrekstri

Ernir hyggst skila inn flugrekstrarleyfi

• Fjórtán segja upp hjá Play
• Tilboð sem flugmenn Play þurfa að svara í dag
• Play tekur á móti nýrri þotu
• Hvað tekur við eftir „afsláttarárin“?

» Fleiri tengdar fréttir

• Blogga um frétt