„Það var algjör samstaða um að fara þessa leið þar sem við teljum að rannsókninni sé ekki hagað með eðlilegum hætti og að hún sé ólögmæt,“ segir Baldvin Þorsteinsson, stjórnarformaður Eimskips, í samtali við mbl.is um kröfu félagsins um að rannsókn Samkeppniseftirlitsins á félaginu og samstæðufélögum þess, sem staðið hefur yfir í tæp tíu ár, verði hætt.

Frétt af mbl.is

Rannsóknin verði úrskurðuð ólögmæt

Baldvin segir kröfu Eimskips meðal annars byggja á því að rannsóknin hafi verið formlega felld niður 2015 og á ólögmætri haldlagningu gagna. Jafnframt segir hann Samkeppniseftirlitið í raun hafa staðið fyrir lögreglurannsókn sem ekki sé í verkahring stofnunarinnar.

„Þessu til viðbótar beinist rannsókn Samkeppniseftirlitsins að röngum lögaðilum og ofan á allt þá verður ekki betur séð en þau hugsanlegu brot sem verið er að rannsaka séu fyrnd,“ fullyrðir Baldvin.

Frétt af mbl.is

Rannsókn lögreglu verði hætt

„Þessi staða sem er búið að setja félagið og ákveðna stjórnendur í er sennilega einsdæmi og hefur verið bæði starfsfólkinu og félaginu þung byrði,“ segir hann og bætir við að „búið [sé] að setja ákveðinn hóp starfsmanna undir rannsókn og með stöðu sakbornings“.

„Tíu ár er augljóslega óhóflegur tími fyrir rannsókn af þessu tagi. Ekkert fyrirtæki eða einstaklingar eiga að þurfa að una slíku,“ segir Baldvin sem bendir jafnframt á að enginn af þeim sem sitja í stjórninni núna hafi setið í stjórninni á þeim tíma sem rannsóknin nær til.

Tengdar fréttir

Samkeppniseftirlitið sektar Samskip og Eimskip fyrir samráð

Játningin stangist á við raungögn

• Samskip stefna Eimskip
• Kristrún vill innleiða skaðabótatilskipun ESB
• „Hvað ætlið þið að gera?“
• Mörg fyrirtæki að skoða stöðu sína

» Fleiri tengdar fréttir

• Blogga um frétt