Ólafur Ragnar í stjórn Kerecis
Setja bókamerki
Ólafur Ragnar Grímsson, fyrrverandi forseti lýðveldisins, hefur verið tilnefndur til þess að taka sæti í stjórn nýsköpunarfyrirtækisins Kerecis og mun gera það á hluthafafundi 1. ágúst næstkomandi. Þetta staðfestir Guðmundur Fertram Sigurjónsson forstjóri Kerecis í samtali við mbl.is, en Fréttablaðið greindi fyrst frá.
Kerecis framleiðir afurðir sem byggðar eru á affrumuðu þorskroði, sem hafa jákvæð áhrif á frumuvöxt og eru seldar til meðhöndlunar á þrálátum sárum og brunasárum, einkum hjá fólki með sykursýki. Fyrirtækið hefur verið í örum vexti undanfarin ár og lauk tveggja milljarða króna fjármögnun fyrr á árinu.
Framleiðsla fyrirtækisins fer fram á Ísafirði, heimabæ Ólafs Ragnars. Segir Guðmundur í samtali við blaðamann að það sé ein af þremur ástæðum fyrir því að Ólafur Ragnar sé að koma inn í stjórnina.
„Hann hafði mikinn áhuga á að tengjast Ísafirði og svo hefur hann líka verið í verkefnum undanfarin ár sem að tengjast sjálfbærri hagnýtingu á sjávarauðlindum, í Kyrrahafinu og víðar, einmitt í samstarfi við Emmerson Collective og Laurene Jobs,“ segir Guðmundur.
Laurene Powell Jobs er ekkja Steve Jobs stofnanda Apple, en samtök hennar, Emerson Collective, eru stór hluthafi í Kerecis. Það er því sú tenging, auk tengingar Ólafs Ragnars við Ísafjörð, sem veldur því að forsetinn fyrrverandi er að koma inn í stjórn fyrirtækisins.
Eyjafjarðarbraut lokað vegna alvarlegs umferðarslyss
Tveir í bílnum sem lenti utan vegar
Tóku upp hanskann fyrir leikskólabörn
Hernaðaraðstoð samþykkt – Vopnasendingar í vikunni
„Okkur miðar í rétta átt“
„Það þarf að vinna mikinn fjölda upp“
„Hvílir mikil leynd yfir þessu öllu“
Árshátíð ríkislögreglustjóra haldin í Tékklandi