Horfur íslensku bankanna hjá S&P neikvæðar

Matsfyrirtækið Standard & Poors hefur breytt horfum íslensku bankanna og Íbúðalánasjóðs úr stöðugum í neikvæðar. Fyrirtækið staðfestir þó óbreytta lánshæfiseinkunn bankanna, en segir þá ekki lengur njóta góðs af uppgangi í efnahagslífinu og þá hafi lánveitingar lífeyrissjóðanna neikvæð áhrif á samkeppnisstöðu bankanna.

Eru Arion banki, Íslandsbanki og Landsbankinn með langtímaeinkunnina BBB+ og skammtímaeinkunnina A-2. Íbúðalánasjóður hefur einkunnina BB+ til lengri tíma og B til skamms tíma.

S&P segir í mati sínu að búast megi við samdrætti í íslensku efnahagslífi á þessu ári, en búast megi við því að efnahagurinn rétti úr kútnum á því næsta.

• 1 blogg um fréttina

Bloggað um fréttina

• Páll Vilhjálmsson: Bankar sameinaðir til að selja fákeppni