Aldrei fleiri flug skráð

Það er óhætt að segja að vöxtur flugumferðar hafi verið mikill undanfarin misseri, en tvö met í fjölda flugferða var slegið tvo daga í röð og mældist fjöldi flugferða yfir 230 þúsund í gær.

Alþjóðlega flugyfirlitssíðan Flightradar tilkynnti í gær að nýtt met hefði verið sett og að fjöldi fluga á einum sólarhring hefði í fyrsta sinn farið yfir 225 þúsund á föstudag. Í dag var síðan tilkynnt að það met hafi fallið í gær þegar yfir 230 þúsund flugferðir voru skráðar.

Talið er að hið nýja met gæti fallið í dag vegna gríðarlegs fjölda flugferða það sem af er degi.

• Blogga um frétt