Vefsíðu WOW air breytt
Setja bókamerki
Vefsíðum WOW air, wowair.com og wowair.is, hefur verið breytt. Þar er nú einungis að finna kennimerki WOW air og ekki hægt að fara neitt lengra en á forsíðu.
Áður var á forsíðunni frétt um fall WOW air og upplýsingar um það hvert fólk ætti að snúa sér. Sú forsíða blasti við þegar vefurinn var opnaður síðastliðinn miðvikudag.
Líklegt verður að teljast að núverandi eigandi vefsíðu WOW air, US Aerospace Associates LLC sem stendur að endurreisn WOW air, standi að baki breytingunum.
Nýtt flugfélag, WOW 2, mun hefja sig til flugs um miðjan október. ViðskiptaMogginn greindi fyrir því á miðvikudag að samkvæmt heimildum hans væri unnið að endurreisn vefs og bókunarvélar WOW air.
Sú vinna virðist hafin, ef marka má breytingarnar á vefsíðu WOW air.
Eins og áður hefur komið fram er það athafnakonan Michele Roosevelt Edwards, stjórnarformaður US Aerospace Associates LLC, sem stendur að endurreisn WOW, en hún hefur fest kaup á flugtengdum eignum úr þrotabúi flugfélagsins.
Sáttur við sína stöðu og finnur fyrir meðbyr
Átta morðmál á aðeins tólf mánuðum
Áköf mótmæli í bandarískum háskólum
Baldur: „Ég ætla að svara þessu kalli“
„Þetta er pínu óvanaleg staða“
/frimg/1/48/63/1486389.jpg)
Halla ekki verið að taka harða afstöðu
Fiskikóngurinn: „Mér fannst sárt að heyra það“