Bragginn fær nýja rekstraraðila

Bragganum Bistro & Bar í Nauthólsvík hefur verið lokað og hafa nýir aðilar tekið við veitingarekstrinum. Þetta staðfestir Eiríkur Sigurðsson, upplýsingafulltrúi Háskólans í Reykjavík, í samtali við mbl.is. Hringbraut greindi fyrst frá lokuninni í gær.

Frétt af mbl.is

Veitingamaður Braggans ósáttur

Vonast er til þess að gestir geti að nýju fengið sér að borða á staðnum eftir viku, að sögn Eiríks.

Í tilkynningu á vef HR segir að NH100 ehf. hafi nú tekið við rekstrinum, en fyrri rekstraraðili, Víkin veitingar ehf., sagði upp samningnum í vor.

„Nýir rekstraraðilar hyggjast leggja aukna áherslu á að Bragginn verði félagsaðstaða fyrir nemendur HR og munu eiga náið samstarf við Stúdentafélag HR og bjóða upp á fjölbreytta viðburði í samstarfi við nemendur.“

NH100 er í eigu sömu aðila og hafa séð um rekstur á Nauðhóli og matsölunni Málinu innan Háskólans í Reykjavík.

• Blogga um frétt