Nikkei á niðurleið

Nikkei-hlutabréfavísitalan lækkaði um 2% í kauphöllinni í Tókýó í dag en lækkunin er rakin til slæmra tíðinda úr bandarísku efnahagslífi. Dow Jones-vísitalan lækkaði um 1,86% á Wall Street í gærkvöldi, Nasdaq lækkaði um 1,56% og S&P um 1,79%. 

Óttast er að samdráttur sé á leið inn í bandarískt efnahagslíf og benda nýlegar tölur um ný störf og atvinnuleysi til þess. Ekki bætir úr skák tollastríð Bandaríkjanna við önnur ríki. 

• Blogga um frétt