Gagnvirkur dómsalur í sýndarveruleika til þess að undirbúa þolendur kynferðisofbeldis fyrir að fara fyrir dóm er meðal þeirra hugmynda sem lentu í topp tíu í frumkvöðlakeppni Gulleggsins þetta árið, en yfir 150 hugmyndir voru sendar inn í keppnina.
Keppnin er haldin í 13. sinn og verða úrslitin kynnt 25. október. Sigurvegari Gulleggsins hlýtur að launum 1,5 milljónir króna í peningum og verðlaunagripinn Gulleggið sem í ár er hannaður af Írisi Indriðadóttur vöruhönnuði frá Listaháskóla Íslands.
Hugmyndirnar tíu sem keppa til úrslita:
Audios - Sjálfsleiðsagnarapp og lifandi upplýsingaveita sem glæðir borgarumhverfi þitt nýju lífi í hljóði og mynd.
Bazar - Hugbúnaður sem dregur úr kostnaði við fasteignakaup og færir fasteignaviðskipti inn í nútímann.
Dufl - Áreiðanlegur staðsetningarbúnaður á sjó.
Flóttinn - Ný tegund afþreyingar sem samtvinnar þrautaherbergi, tölvuleik og borðspil - allt heima í stofu.
GreenBytes - Hugbúnaður sem byggir á vitvélatækni (e. machine learning) til að minnka matarsóun og auka hagnað veitingastaða.
Reminiscence Squared - Megindleg rannsóknarlausn sem nýtir mátt hagrannsókna og fjármálastærðfræði til að greina smá og opin hagkerfi og verðbréfamarkaði þeirra.
Statum - Gagnvirkur dómsalur í sýndarveruleika til þess að undirbúa þolendur kynferðisofbeldis fyrir að fara fyrir dóm
Tré Lífsins - Tré lífsins mun bjóða upp á nýja valmöguleika við andlát. Boðið verður upp á skráningu sögunnar okkar og hinstu óska, gróðursetningu á öskunni ásamt tré og minningasíðu. Tré lífsins er óháð trúar- og lífsskoðunarfélögum.
VEGAnGERÐIN - Íslenskur grænn próteingjafi fyrir heimili og veitingastaði.