Framkvæmdastjóri hjá Play, lággjaldaflugfélaginu sem nú er í burðarliðnum, telur að félagið muni flytja 1,7 milljónir ferðamanna til landsins á næstu þremur árum.

Segir hann að áhrif þeirra á íslenskt hagkerfi muni verða gríðarleg og að eyðsla þeirra kunni að nema rúmum 240 milljörðum innanlands. Forsvarsmenn Play héldu fræðslu- og fjárfestakynningu fyrir lykilaðilum í íslenskri ferðaþjónustu í gær og mættu um 40 manns til fundarins.

Í fréttaskýringu í Morgunblaðinu í dag segir Bogi Guðmundsson, einn af stofnendum félagsins og framkvæmdastjóri markaðs- og sölusviðs þess, fundinn hafa gengið mjög vel og að þar hefði komið fram mikilvægi þess að byggja nýja brú inn í landið. Mikill samdráttur væri í ferðaþjónustunni nú í október og nóvember. Það kallaði á að ná í þann viðskiptamannahóp sem hvarf frá landinu við fall WOW air. Á næsta ári stefnir Play að því að flytja 900 þúsund farþega. Ári síðar muni þeim fjölga um 600 þúsund og að þremur árum liðnum verði árlegur fjöldi flugfarþega þess 1,9 milljónir.

Tengdar fréttir

Sviptivindar í flugrekstri

Ernir hyggst skila inn flugrekstrarleyfi

• Fjórtán segja upp hjá Play
• Tilboð sem flugmenn Play þurfa að svara í dag
• Play tekur á móti nýrri þotu
• Hvað tekur við eftir „afsláttarárin“?

» Fleiri tengdar fréttir

Flugfélagið Play

Sigurður Örn til liðs við Play

• Hefja nýtt hlutafjárútboð í dag
• „Himinn og haf þarna á milli“
• Tekjur Play aukast en áfram tap af rekstri
• Vonar að gosið vari fram á haust

» Fleiri tengdar fréttir