Sænskur banki bendlaður við peningaþvætti
Setja bókamerki
Sænski bankinn SEB er sakaður um aðild að peningaþvætti í Eistlandi í þætti sænska sjónvarpsins Uppdrag Granskning í gærkvöldi. Þar kom fram að þáttastjórnendur hafa undir höndum lista með nöfnum 194 viðskiptavina bankans sem eru grunaðir um peningaþvætti í Eystrasaltsríkinu.
Kom fram í þættinum að upplýsingar væru um 2 þúsund millifærslur sem tengjast þekktum staðgenglum rússneskra fyrirtækja sem eru grunuð um peningaþvætti. Í þættinum á SVT kom fram að millifærslur upp á 475 milljónir sænskra króna, 6,1 milljarð króna, tengdust svonefndu Magnitsky-máli í Rússlandi. Peningarnir voru millifærðir í gegnum SEB.
Sergei Magnitsky var rússneskur skattalögmaður sem var handtekinn árið 2008 eftir að hafa sakað rússneska embættismenn um aðild að víðtækum skattsvikum. Hann lést í fangelsi í Moskvu árið 2009 eftir að hafa kvartað undan vondri meðferð í fangelsinu.
/frimg/6/84/684463.jpg)
Í gærkvöldi sendi SEB frá sér yfirlýsingu þar sem kom fram að í gegnum bankann hafi farið fjármunir upp á tæplega 26 milljarða evra á tímabilinu 2005—2018 frá útlendum viðskiptavinum útibús bankans í Eistlandi sem ekki myndu í dag standast kröfur bankans um gagnsæi.
„Umsátursástand“
Vélsleðaslys: Þyrlan kölluð út á mesta forgangi
Sex hafa greinst með listeríu
„Hvílir mikil leynd yfir þessu öllu“
Banna mengandi búnað sem leyfður er á Íslandi
Skiptir miklu meira máli en fólk grunar
Krefjast stöðvunar framkvæmda