Útflutningsverðmæti eldisafurða nam um 3,1 milljarði króna í október. Það er mesta verðmæti í einum mánuði frá upphafi og um þreföldun frá sama mánuði í fyrra. Þá bæði í krónum talið og í erlendri mynt.

Samtök fyrirtækja í sjávarútvegi (SFS) fjalla um þróunina á vef sínum.

Rifjað er upp að í október hafi verið minni munur á gengi krónunnar á milli ára en verið hefur á öðrum mánuðum ársins. Gengi krónu hafi enda gefið eftir haustið 2018.

Komið í 20 milljarða

„Á fyrstu 10 mánuðum ársins er útflutningsverðmæti eldisafurða komið upp í rúma 19,9 milljarða króna. Það er um 90% aukning í krónum talið á milli ára en rúm 70% að teknu tilliti til gengisáhrifa,“ skrifa greinendur SFS og rifja upp breytingar á genginu.

„Gengi krónunnar var að jafnaði 10% veikara á fyrstu 10 mánuðum ársins en á sama tímabili í fyrra. Er það stóraukin framleiðsla sem skýrir þessa aukningu, sér í lagi á eldislaxi. Þar af nam verðmæti lifandi eldislax, þar með talið seiða, rúmlega 1,9 milljarði króna á tímabilinu samanborið við tæpa 1,5 milljarð á sama tímabili í fyrra. Er aukning þar hátt í 30% á milli ára. Rímar þessi þróun afar vel við spá okkar um að verðmæti eldisafurða verði í kringum 24 milljarða króna í ár,“ sagði þar jafnframt.

Tengdar fréttir

Fiskeldi

„Margt hefur nú ekki beinlínis verið til fyrirmyndar“

• Segir nýtt frumvarp gefa eldisfyrirtækjum auðlindir
• Laxey fær sex milljarða
• Fjárfestingin 115 milljarðar króna
• Bátur Arnarlax verður fyrsti sinnar tegundar

» Fleiri tengdar fréttir

• Blogga um frétt