Styrmir ráðinn framkvæmdastjóri hjá Arion

Arion banki hefur ráðið Styrmi Sigurjónsson sem framkvæmdastjóra upplýsingatæknisviðs bankans, en hann mun hefja störf 17. febrúar á næsta ári.  

Frá árinu 2009 hefur Styrmir starfað hjá Natera í Bandaríkjunum, en Natera sérhæfir sig á sviði erfðagreiningar og er skráð í Nasdaq CM kauphöllina. Styrmir hefur frá árinu 2012 gegnt ýmsum stjórnunarstörfum hjá Natera, verið framkvæmdastjóri rannsóknar og vöruþróunar frá árinu 2017 og stýrt yfir 200 manna þróunarteymi sem er staðsett í mörgum löndum. Áður en Styrmir höf störf hjá Natera starfaði hann hjá Straumi fjárfestingarbanka, FL Group og fjárfestingarbankanum Citi.

mbl.is/Ómar Óskarsson

Styrmir er með doktors- og meistarapróf í rafmagnsverkfræði frá Stanford og CS-próf í rafmagns- og tölvuverkfræði frá Háskóla Íslands. Styrmir er giftur Berglindi Erlingsdóttur mannfræðingi og eiga þau þrjú börn.

• Blogga um frétt