Sérfræðingar telja ekki útlit fyrir raunverðshækkanir á sérbýli á höfuðborgarsvæðinu í ár. Er talið að hlutfallslega lítið framboð af nýju sérbýli hafi ekki áhrif til hækkunar.
Talning Samtaka iðnaðarins í haust sýndi að 328 sérbýli voru þá fokheld eða lengra komin á svæðinu, að því er fram kemur í Morgunblaðinnu í dag.
Til samanburðar voru þar 4.656 íbúðir í fjölbýlishúsum á sama stigi. Það þýðir að 14,2 íbúðir eru komnar á þetta stig fyrir hvert sérbýli sem er jafnlangt komið, en fjöldi einbýlishúsa er smíðaður af einstaklingum til eigin nota og fer því ekki í almenna sölu.