1.000 fyrirtæki opna í Bretlandi

Yfir 1.000 bankar, eignastýringarfyrirtæki og önnur fjármálafyrirtæki sem starfa innan Evrópusambandsins vinna nú að því að opna skrifstofur í Bretlandi í kjölfar þess að Brexit verður að veruleika í lok mánaðarins.

Þetta munu fyrirtækin gera í því skyni að geta þjónustað viðskiptavini sína í Bretlandi eftir að landið gengur úr ESB, að því er fram kemur í frétt Reuters um málið.

Þar er rætt við fulltrúa ráðgjafafyrirtækisins Bovill sem segir að fyrsta skref fyrirtækjanna muni felast í því að fá tímabundna heimild til þess að halda úti þjónustu sinni innan Bretlands eftir 31. janúar. Í flestum tilvikum er um að ræða fyrirtæki sem fram til þessa hafa getað þjónustað viðskiptavini sína í Bretlandi frá öðrum löndum innan ESB.

„Þessar tölur sýna að mörg fyrirtæki sjá Bretland sem mikilvægustu fjármálamiðstöð Evrópu,“ segir Michael Johnson, ráðgjafi hjá Bovill.

• Blogga um frétt