Birna lækkar í launum milli ára
Setja bókamerki
Laun Birnu Einarsdóttur, bankastjóra Íslandsbanka, lækkuðu um 12,6 milljónir milli áranna 2018 og 2019, auk þess sem mótframlag í lífeyrissjóði var 2,1 milljón lægra. Þetta er meðal þess sem kemur fram í ársreikningi bankans sem birtur var í dag.
Laun Birnu eru sögð vera 50,9 milljónir í fyrra, eða sem nemur 4,24 milljónum á mánuði. Til viðbótar bætast 11,9 milljónir í mótframlag í lífeyrissjóð, eða tæplega ein milljón á mánuði.
Laun hennar árið áður voru 63,5 milljónir, eða 5,3 milljónir á mánuði, auk 14 milljóna mótframlags.
Fram kemur í ársreikningnum að Birna hafi fengið 3,9 milljónir í kaupauka sem vannst árið 2014. Í fyrra fékk hún 4,1 milljón vegna kaupauka sem vannst árið 2015. Á þessu ári verður svo gerður upp kaupauki vegna ársins 2016, en það er lokagreiðsla vegna kaupaukakerfis sem hefur ekki verið virkt frá byrjun árs 2017.
Myndskeið: Braut rúðurnar og rölti svo í burtu
„Tíminn er runninn út fyrir Kristján Loftsson“
„Ert þú þá svona latte-lepjandi hjólagaur?“
Starfsfólk gæti fengið reikning frá Skattinum
Benda á Samgöngustofu sem bendir út í heim
Aukin tíðni þungunarrofa hjá yngsta aldurshópnum
„Við eigum hvergi heimili“
Allar rúður brotnar hjá Fiskikónginum