Stór hluti stjórnar stéttarfélagsins VR hefur verið settur í sóttkví eftir að einn stjórnarmaður greindist með kórónuveiruna. Þetta staðfestir Ragnar Þór Ingólfsson, formaður félagsins, í samtali við mbl.is. RÚV greindi fyrst frá.

Umræddur stjórnarmaður fékk að vita á sunnudag að hann væri smitaður en stjórn félagsins hafði fundað á miðvikudag. Aðspurður segir Ragnar að sóttkvíin hafi ekki mikil áhrif á starfsemi stjórnarinnar. „Öll vinna fer meira og minna fram í fjarvinnu. Við erum í góðu símasambandi og notum fjarfundarbúnað,“ segir Ragnar. Hann er sjálfur nýsloppinn úr sóttkví, en hann flaug heim frá München 2. mars eftir að hafa verið á skíðum í Austurríki.

Frétt af mbl.is

Halldór Benjamín og Ragnar Þór í sóttkví

Helmingur starfsfólks VR vinnur nú heiman frá. Ragnar segir félagið búa að góðu skipulagi um vinnu að heiman eftir að svínaflensan gekk yfir fyrir um áratug. Búið sé að koma upp vinnuaðstöðu fyrir alla starfsmenn heima og allir fundir séu nú teknir í gegnum síma eða á netinu.

Tengdar fréttir

Kórónuveiran Covid-19

Heimsfaraldurinn var æfing í seiglu

• Engar aukaverkanir eftir 217 bólusetningar
• „Við þurfum að vera tilbúin“
• Ríkið hafði betur gegn skjólstæðingi Arnars
• Hæstiréttur staðfestir efndaskyldu tveggja hótela

» Fleiri tengdar fréttir

• Blogga um frétt