Gengisvísitalan hefur hækkað undanfarna daga og stendur hún nú í 199,87 stigum samkvæmt skráningu á vef Landsbankans. Hún hefur ekki verið hærri í fimm ár. Þetta þýðir að erlendu gjaldmiðlarnir eru að hækka í verði og krónan þar með að veikjast.
Á vef Seðlabanka Íslands kemur fram að miðgengi bandaríkjadals sé nú 135,21 kr., evran 151,2 kr. og pundið 166,52 kr.
Í byrjun mánaðarins kostaði dalurinn 127 kr., evran 140 kr. og pundið 162 kr.