Útibúi Landsbankans í Mjódd hefur verið lokað tímabundið vegna sóttkvíar alls starfsfólks útibúsins eftir að einn starfsmaður þess greindist með kórónuveiruna.

Alls nær sóttkvíin til 13 starfsmanna bankans, að því er fram kemur í frétt á vefsíðu bankans.

Samkvæmt upplýsingum frá smitrakningarteymi almannavarna er verið að meta hvort þörf sé á frekari viðbrögðum, s.s. hvort hafa þurfi samband við viðskiptavini sem komu í útibúið sl. mánudag og þriðjudag.

Eftir vinnulok á þriðjudag fékk starfsmaður útibúsins upplýsingar um að ættingi sem hann hafði umgengist um helgina væri kominn í sóttkví vegna Covid-19.

Hann mætti ekki til vinnu í gær, miðvikudag, en fór í sýnatöku og síðdegis var staðfest að hann hafði smitast af Covid-19. Alls nær sóttkvíin til 13 starfsmanna bankans.

Tengdar fréttir

Kórónuveiran Covid-19

Heimsfaraldurinn var æfing í seiglu

• Engar aukaverkanir eftir 217 bólusetningar
• „Við þurfum að vera tilbúin“
• Ríkið hafði betur gegn skjólstæðingi Arnars
• Hæstiréttur staðfestir efndaskyldu tveggja hótela

» Fleiri tengdar fréttir

• Blogga um frétt