Íbúðaverð á höfuðborgarsvæðinu hækkaði um 0,8% að meðaltali milli júlí og ágúst. Fjölbýli hækkaði um 0,7% en sérbýli um 0,9%. Árshækkun íbúðaverðs mælist nú 5,2% og síðustu þrjá mánuði hefur íbúðaverðið hækkað að jafnaði um 0,7% milli mánaða. Til samanburðar var sambærileg hækkun á sama tíma í fyrra 0,3%. Þetta kemur fram í Hagsjá Landsbankans.

Í Hagsjánni er bent á að sumarið hafi verið mun kröftugara í ár en í fyrra og þar hafi vaxalækkanir Seðlabankans og lánveitenda haft veruleg áhrif á eftirspurn eftir húsnæði. Segir að erfitt sé að spá hvernig þróunin verði og haldist það í hendur við þróun efnahagsmála almennt og hvort til frekari vaxtalækkana komi. „Heldur hefur dregið úr þeim líkum ef litið er til þróunar verðbólguhorfa, sem hafa heldur versnað síðustu mánuði vegna veikingar krónunnar,“ segir í Hagsjánni sem endar svo á að benda á að staðan geti þó breyst hratt á þessum tímum.

Tengdar fréttir

Húsnæðismarkaðurinn

Nýjar íbúðir á Völlunum rjúka út

• Gerir ráð fyrir 150 samningum í næstu viku
• Ekki byggt í takt við áform sveitarfélaga
• „Maður sefur ekki á næturnar“
• „Það er skiljanlegt að þolinmæði þeirra sé lítil“

» Fleiri tengdar fréttir

• Blogga um frétt