Nancy Pe­losi, for­seti full­trúa­deild­ar Banda­ríkjaþings og leiðtogi demó­krata í deild­inni, leggur til að bandarísku flugfélögin fái frekari ríkisaðstoð en þau eru mörg hver byrjuð að segja upp starfsfólki að nýju. 

Ummæli Pelosi höfðu strax áhrif á verð hlutabréfa í flugfélögunum en óvíst er hvert framhaldið verður því repúblikanar í fulltrúadeildinni komu í veg fyrir að frumvarpið fengi flýtimeðferð í deildinni. 

Pelosi bað í gær stjórnendur bandarískra flugfélaga að fresta því að segja upp starfsfólki og senda það í launalaust leyfi. Lýsti hún yfir stuðningi við að ríkið myndi grípa inn með annað hvort eingreiðslu eða björgunarpakka. Að hennar sögn eru gríðarlegir hagsmunir í húfi enda um tugþúsundir heimila sem eiga hlut að máli. 

Stærstu flugfélög Bandaríkjanna hafa í vikunni sagt upp yfir 30 þúsund starfsmönnum en í byrjun október lauk hlutabótaleiðinni.

Á miðvikudagskvöld tilkynntu flugfélögin American og United að þau myndu senda 19 þúsund og 13 þúsund starfsmenn í launalaust leyfi. 

Tengdar fréttir

Kórónukreppan

Áfangaheimilinu lokað ef ekki er gripið inn í

• „Þetta er allt saman á fleygiferð“
• Of harðar aðgerðir í faraldrinum
• Sjá fram á minna atvinnuleysi
• „Það er best að hafa samræmi í þessu“

» Fleiri tengdar fréttir

• Blogga um frétt