Stjórn IAG, móðurfélags British Airways, greindi frá því í morgun að framkvæmdastjóri flugfélagsins, Alex Cruz, láti af störfum í dag. Engin skýring er gefin á skyndilegu brotthvarfi hans úr starfi en BA er líkt og önnur flugfélög í miklum erfiðleikum vegna kórónuveirufaraldursins. 

Cruz hefur verið framkvæmdastjóri BA í fjögur og hálft ár. Við starfinu tekur framkvæmdastjóri Aer Lingus, Sean Doyle. 

Forstjóri IAG, Luis Gallego, sem tók við starfinu af Willie Walsh í síðasta mánuði, segir að staðan í flugiðnaðinum hafi aldrei áður verið jafn slæm en hann sé sannfærður um að þessar breytingar muni hafi góð áhrif á rekstur félagsins.  Hann þakkar Cruz fyrir óeigingjarnt starf undanfarin ár. 

Þota British Airways Boeing 747 sést hér fljúga yfir Heathrow flugvöll í síðustu viku. AFP

Tengdar fréttir

Kórónukreppan

Áfangaheimilinu lokað ef ekki er gripið inn í

• „Þetta er allt saman á fleygiferð“
• Of harðar aðgerðir í faraldrinum
• Sjá fram á minna atvinnuleysi
• „Það er best að hafa samræmi í þessu“

» Fleiri tengdar fréttir

• Blogga um frétt