Bandaríski flugvélaframleiðandinn Boeing tilkynnti í dag að um sjö þúsund störf innan fyrirtækisins verði lögð niður fyrir lok næsta árs. Fjöldi starfsmanna verði þá orðinn um 130 þúsund, en 160 þúsund manns störfuðu hjá fyrirtækinu í upphafi þessa árs.

Boeing tilkynnti einnig að félagið hefði tapað 449 milljónum bandaríkjadala á þriðja fjórðungi ársins, en á sama tímabili í fyrra hagnaðist félagið um 1,2 milljarða dala.

Tekjurnar skertust um 29,2 prósent frá því tímabili og námu 14,1 milljarði dala á þriðja ársfjórðungi.

Alvarleg kreppa í fluggeiranum sökum faraldurs kórónuveirunnar hefur gert það að verkum að flugfélög hafa fallið frá pöntunum flugvéla eða frestað viðtöku þeirra og um leið dregið niður helstu tekjulind flugvélaframleiðandans.

Tengdar fréttir

Kórónukreppan

Áfangaheimilinu lokað ef ekki er gripið inn í

• „Þetta er allt saman á fleygiferð“
• Of harðar aðgerðir í faraldrinum
• Sjá fram á minna atvinnuleysi
• „Það er best að hafa samræmi í þessu“

» Fleiri tengdar fréttir

• Blogga um frétt