Íslandsbanki opnar útibú bankans 13.janúar næstkomandi samhliða fyrirhuguðum tilslökunum á samkomubanni. Viðskiptavinir eru hvattir til að bóka sér tíma á vef bankans fyrir ráðgjöf og nýta áfram stafrænar lausnir fyrir alla helstu bankaþjónustu.
Greint er frá þessu í tilkynningu.
Við opnun útibúa verður haldin sérstök fræðsluröð um stafrænar lausnir fyrir viðskiptavini sem vilja kynna sér þær betur, fundur á Teams 19. janúar þar sem farið verður yfir app bankans og 14. janúar verður sérstök kennsla í útibúum.
Minnt er á að áfram verður gætt að öllum sóttvörnum með grímuskyldu og tveggja metra reglu.