Litlar líkur eru á því að stór skortstaða verði tekin í innlendum verðbréfum. Þetta segir Magnús Harðarson, forstjóri Kauphallar Íslands.
Segir hann að stíft regluverk valdi því að erfitt sé að fá bréf lánuð. „Það væri æskilegra ef það væri auðveldara að fá bréf lánuð. Það er miklu erfiðara en erlendis og mín skoðun er sú að það sé allt of erfitt,“ segir hann í umfjöllun um þessi mál í Morgunblaðinu í dag.