Nýr fundur boðaður í deilu Bláfugls og FÍA
Setja bókamerki
Samninganefndir Félags íslenskra atvinnuflugmanna og Samtaka atvinnulífsins, fyrir hönd Bláfugls, komu saman til viðræðna í húsakynnum ríkissáttasemjara klukkan 14. Fundinum lauk um fjögurleytið án samnings en nýr fundur hefur verið boðaður í kjaradeilunni á föstudaginn, 5. febrúar, klukkan 10:00.
Ótímabundið verkfall flugmanna FÍA hjá Bláfugli (Bluebird Nordic) hófst á mánudaginn, 1. febrúar kl. 00:01. FÍA telur að ólöglega hafi verið staðið að uppsögnum 11 flugmanna þann 30. desember sl. vegna þess að þá hafi hefðbundnar kjaraviðræður staðið yfir.
Síðan verkfallið hófst hafa verktakar flogið vélum Bláfugls en FÍA telur það vera verkfallsbrot.
Aðalsteinn Leifsson ríkissáttasemjari segir lítið hægt að segja um viðræðurnar á þessari stundu en þær þokist þó áfram. „Stundum er talað um árangurslausa fundi, út af því að þeim lýkur ekki með samningi, en allt eru þetta nauðsynlegar umræður.“
„Alla vega ætlum við að halda áfram og munum hittast aftur á föstudaginn klukkan tíu,“ bætir Aðalsteinn við.
Forsetafylgismenn dregnir í dilka
Fylgið ennþá dreift en fáir óráðnir
„Hefur smám saman verið að lagast“
Foreldrahlutverkið flóknara nú en áður
Ekki orðinn þreyttur á vöfflukaffi
„Ef það er einhver einn lærdómur...“
Skýrt skref í átt að stigmögnun