Fjárfestingarfélag hjónanna Birgis Bieltvedt og Eyglóar Bjarkar Kjartansdóttur hefur keypt Suðurlandsbraut 18 af fasteignaþróunarfélagi Ólafs Ólafssonar og Ingibjargar Kristjánsdóttur. Kaupverðið er 1,2 milljarðar króna og er kaupverðið meðal annars greitt með húsnæði Jómfrúarinnar. Þetta kemur fram í Viðskiptablaðinu í dag.
Þar kemur fram að meginþorri kaupverðsins er greiddur með peningum, en hluti þess með tveimur fasteignum. Annars vegar Lækjargötu 4 og hins vegar Lágmúla 7.
Suðurlandsbraut 18 hefur oft gengið undir nafninu Esso-húsið en þar voru höfuðstöðvar Esso olíufélagsins til húsa.