Jóhanna Hlín Auðunsdóttir hefur tekið við starfi forstöðumanns á loftslags- og umhverfissviði hjá Landsvirkjun.
Jóhanna er sjálfbærniverkfræðingur með meistaragráðu frá Heriot-Watt í Edinborg. Hún lauk grunnnámi í umhverfis- og byggingarverkfræði frá Háskóla Íslands.
Jóhanna, sem er 27 ára, hóf störf hjá Landsvirkjun árið 2015. Verkefni hennar innan fyrirtækisins hafa verið fjölbreytt en hún hefur unnið í teymi umhverfisstjórnunar síðan 2016.