Kleinuhringjakeðjan bandaríska, Krispy Kreme, hóf í gær að efna loforð sitt um að bjóða öllum sem hefðu þegið bólusetningu við Covid-19 einn ókeypis kleinuhring á dag. Fyrstu bólusettu Bandaríkjamennirnir mættu á staðinn og nældu sér í einn „Original Glazed“.

Tilboðið gildir til ársloka 2021 og býðst öllum þeim sem fengið hafa bóluefni Pfizer, Moderna eða Johnson & Johnson. 

„Að gefa ókeypis Original Glazed-kleinuhringi þeim sem ákveða að bólusetja sig er bara enn eitt framlag frá okkur, sem við vonumst til þess að geri líf fólks örlítið sætara á meðan þjóðin flýtir sér að vinna bug á veirunni,“ sagði í yfirlýsingu félagsins.

Markmiðið er að hvetja fleiri til að þiggja bólusetningu.

Andstæðingar bólusetninga óánægðir

Af sömu ástæðu ætla Krispy Kreme að gefa bólusetningarmiðstöðvum kleinuhringi til að halda heilbrigðisstarfsmönnum vel nærðum.

Tilboðið gildir um öll Bandaríkin og ljóst að Íslendingar fá þess ekki notið, enda hætti Krispy Kreme starfsemi hér á landi árið 2019. Á Vice er fjallað um að uppátæki fyrirtækisins hafi þegar vakið mikla óánægju á meðal andstæðinga bólusetninga.

Krispy Kreme varð ekki langlíft á Íslandi. Ljósmynd/Krispy Kreme

Tengdar fréttir

Kórónuveiran Covid-19

Heimsfaraldurinn var æfing í seiglu

• Engar aukaverkanir eftir 217 bólusetningar
• „Við þurfum að vera tilbúin“
• Ríkið hafði betur gegn skjólstæðingi Arnars
• Hæstiréttur staðfestir efndaskyldu tveggja hótela

» Fleiri tengdar fréttir

• Blogga um frétt