Fasteignaráðgjafarfyrirtækið Croisette Real Estate Partner á Íslandi hefur fengið Ástþór Helgason fasteignasala til liðs við sig sem yfirmann leigumiðlunar. Mun hann hafa umsjón með leigumiðlun fyrirtækisins á Íslandi.
Í tilkynningu um ráðninguna segir m.a. að Ástþór hafi langa reynslu af sölu fasteigna og fyrirtækja og er einn stofnenda Fasteignasölu Kópavogs. Ráðningin sé næsta skref í sókn Croisette á Íslandi en um miðjan nóvember sl. var tilkynnt um opnun skrifstofu fyrirtækisins hér á landi. Er fyrirtækið nú þegar komið með þrjá starfsmenn.
Croisette Real Estate Partner hefur haslað sér völl á sænskum fasteignamarkaði og fyrirtækið býr að sterku tengslaneti með nokkra af helstu fasteignafjárfestum Norðurlanda innanborðs, segir í tilkynningu. Auk starfstöðvarinnar á Íslandi hyggir fyrirtækið á frekari sókn á næstu misserum og hefur þegar tilkynnt um fyrirhugaða opnun skrifstofu í Kaupmannahöfn.