Halldór Kristmannsson, framkvæmdastjóri hjá Alvogen, sem kvartaði undan starfsháttum Róberts Wessman, forstjóra félagsins, mótmælir því að ásakanir hans séu af fjárhagslegum rótum runnar, líkt og Róbert staðhæfði í yfirlýsingu fyrr í dag.

Þvert á móti hafi það komið skýrt fram að hann gerði ekki fjárkröfu á félagið vegna þessa, sem hafi verið ítrekað í bréfi lögmanna hans til lögmanna Alvogen fyrr í þessum mánuði. Hins vegar hafi hann áskilið sér rétt til þess að sækja bætur til Róberts persónulega.

Í bréfinu segir m.a.:

„Til þess að eyða öllum vafa um að heiðarlegar hvatir hans, að hann sækist ekki eftir nokkrum fjárbótum frá félögunum, og umfram allt til þess að aðilar máls fái tækifæri til þess að halda áfram veginn, er [Halldór] Kristmannsson reiðubúinn til sáttar við félögin […] og mun afsala sér hvers kyns fjárhagskröfum og réttarúrræðum á hendur félögunum (en ekki á hendur [Róberti] Wessman).“

Þá þykir Halldóri merkilegt að lesa það í yfirlýsingu Róberts, að „óháð alþjóðleg lögmannsstofa“ hafi verið fengin til þess að rannsaka umkvartanir sínar. Það sé White & Case, lögmannstofa Alvogen, sem hafi gætt hagsmuna félagsins um árabil, og eigi mikið undir því að halda viðskiptavininum ánægðum.

Bréf lögmanna Halldórs:

Bréf lögmanna Halldórs Kristmannssonar til lögmanns Alvogen.

Tengdar fréttir

Alvogen

Kærir „púðurskot“ til Blaðamannafélagsins

• Segir Róbert hafa reynt að koma höggi á Björgólf
• „Ég heiti Halldór og ég er uppljóstrari“
• Nýr lágpunktur „til að klekkja á mér“
• Segir rangfærslur í stefnunni

» Fleiri tengdar fréttir

• Blogga um frétt