Sigrún Ösp Sigurjónsdóttir hagfræðingur hefur verið ráðin forstöðumaður Rannsóknaseturs verslunarinnar (RSV). Sigrún tekur við starfinu af dr. Eddu Blumenstein, sem tekur sæti í stjórn RSV.
Sigrún lauk MSc-prófi í hagfræði frá Háskóla Íslands árið 2014 auk þess sem hún hefur diplómu í stjórnun og stefnumótun. Sigrún hefur undanfarið ár stundað nám í hagnýtri tölfræði við sama skóla. Sigrún gegndi síðast starfi framkvæmdastjóra hjá Félagi íslenskra náttúrufræðinga innan Bandalags háskólamanna.
RSV er leiðandi aðili á Íslandi í rannsóknum og tölfræðivinnslu fyrir verslun og tengdar atvinnugreinar. Almennt felst starfsemi rannsóknasetursins í að fylgjast með þróun og breytingum er varða verslun og neysluhegðun og koma á framfæri upplýsingum því tengdu til fyrirtækja og almennings.