Önnur flugvél flugfélagsins Play var afhent félaginu í gær. Birgir Jónsson, forstjóri Play, segir fólk mjög ánægt með að geta komist til útlanda og bætir við að mikil spurn sé eftir flugferðum í ágúst.

„Við erum að sjá, eins og ferðaþjónustan öll, að bókanir eru að koma vel inn í ágúst. Bæði ferðamenn til Íslands og Íslendingar virðast vera búnir að ákveða það að ágúst sé tíminn til þess að ferðast. Þannig að júlí er bara búinn að vera hæfilegur. Það er auðvitað enn þá Covid í Evrópu þó að við séum svona þokkalega sloppinn hér alla vega í bili,“ segir Birgir.

Frétt af mbl.is

Þéttbókað hjá Play

Hann bætir við að þriðja vél félagsins komi eftir þrjár vikur.

„Þannig að við erum hægt og rólega að byggja okkur upp inn í sumarið og það virðist alveg passa við eftirspurnina.“

Félagið fær síðan þrjár flugvélar næsta vor og ætlar þá að byrja að bjóða upp á ferðir til Bandaríkjanna.

Tengdar fréttir

Flugfélagið Play

Sigurður Örn til liðs við Play

• Hefja nýtt hlutafjárútboð í dag
• „Himinn og haf þarna á milli“
• Tekjur Play aukast en áfram tap af rekstri
• Vonar að gosið vari fram á haust

» Fleiri tengdar fréttir

• Blogga um frétt