Verðbólga mælist 4,3% í ágúst, þriðja mánuðinn í röð, en vísitala neysluverðs hækkaði um 0,46% milli mánaða.
Þetta kemur fram í tilkynningu hagfræðideildar Landsbankans.
Mest áhrif til hækkunar hafði kostnaður við að búa í eigin húsnæði en hann hækkaði um 1,0% milli mánaða, hafði það 0,16% áhrif á vísitölu. Þá hækkuðu húsgögn og heimilisbúnaður um 1,1% milli mánaða og hafði það 0,07% áhrif á vísitölu. Hótel og veitingastaðir hækkuðu um 0,9% og hafði það 0,04% áhrif á vísitölu.
Flugfargjöld til útlanda lækkuðu um 1,8% og höfðu þau lækkandi áhrif á vísitöluna, eða -0,02%. Eru þetta jafnframt mestu áhrifin til lækkunar.
Vísitala neysluverðs án húsnæðis hækkaði um 0,4% milli mánaða og mælist nú 3,3% á þann mælikvarða. Verðbólga án húsnæðiskostnaðar lækkar fimmta mánuðinn í röð en í mars mældist árs verðbólga á þennan mælikvarða 4,8%.
Hægt er að lesa um hagsjána í heild hérna.