Lítil sem engin áhrif af 5G á Icelandair

Haukur Reynisson, flugrekstrarstjóri Icelandair, segir að 5G tæknin hafi lítil sem engin áhrif á flugrekstur félagsins, en bæði AT&T og Verizon hafa frestað innleiðingu tækninnar í Bandaríkjunum vegna mögulegra áhrifa á flugöryggi.

Haukur segir meginástæðuna þá að félagið þurfi mjög sjaldan að nota lágskyggnis-aðflug í Bandaríkjunum þar sem lendingartímar eru seinnipart dags eða að kvöldi til. Á þeim tímum sé afar sjaldgæft að um þokuskilyrði sé að ræða. „Hins vegar getur þetta haft talsverð áhrif á þau félög sem eru að lenda að nóttu til og snemma morguns við ákveðin veðurskilyrði.“ 

Nánar má lesa um málið í Morgunblaðinu í dag.