Örn Valdimar Kjartansson, framkvæmdastjóri félagsins Eskiáss, sem stendur fyrir uppbyggingunni, segir á sjötta hundrað manns þegar hafa skráð sig á lista vegna nýrra íbúða í Eskiási í Garðabæ.

Sala íbúðanna hefst öðrum hvorum megin næsta sumars en þær verða byggðar upp á fjórum til fimm árum. Gert er ráð fyrir afhendingu fyrstu íbúða síðla næsta haust.

Eskiás er ný gata í Garðabæ vestan við nýleg fjölbýlishús í Stórási og Lyngási. Þar verða 276 íbúðir á níu lóðum/reitum: Eskiási 1-8 og Eskiási 10. Uppsteypa á Eskiási 1 er langt komin (35 íbúðir) og uppsteypa er hafin í Eskiási 2 (43 íbúðir). Á sex af þessum níu lóðum mynda fjölbýlishúsin ferhyrning umhverfis inngarð.

Báðir með 35 íbúðir

„Eskiás 1, 3 og 5 eru næstum eins – hver reitur með 35 íbúðir – en Eskiás 2 og 4 eru aðeins stærri. Þannig eru 43 íbúðir í Eskiási 2 en 41 íbúð í Eskiási 4,“ segir Örn.

Á þessum reit á Eskiási mynda íbúðirnar ramma utan um inngarð. Teikning/Batteríið arkitektar

„Sú nýbreytni er í Eskiási að þar er enginn bílakjallari og enginn kjallari undir húsunum. Allar geymslur eru innan íbúða og öll bílastæði ofanjarðar og sameiginleg með húsunum öllum. Með þessu er hægt að byggja hagkvæmari hús og kaupandinn hefur val um að þurfa ekki að kaupa hús fyrir bílinn sinn. Eins lögðum við upp með að hanna íbúðirnar eins og sérbýli, þótt vissulega séu þetta fjölbýlishús, en allar eru þær með sérinngangi og þá er nánast engin sameign. Við köllum þetta sérbýlisíbúðir,“ segir Örn Valdimar.

Lestu meira um málið í ViðskiptaMogganum í dag.

Tengdar fréttir

Húsnæðismarkaðurinn

„Maður sefur ekki á næturnar“

• „Það er skiljanlegt að þolinmæði þeirra sé lítil“
• Hafa samþykkt kaup fyrir um 9,2 milljarða
• Íbúðaeigendur enda með neikvætt eigið fé
• Hefur áhyggjur af hækkun fasteignaverðs

» Fleiri tengdar fréttir