Félag atvinnurekenda hefur beðið umboðsmann Alþingis að hefja frumkvæðisathugun á stjórnsýslu eftirlitsstofnana vegna Íslandspósts.
Lítur félagið svo á að stjórnvöld hafi virt að vettugi gildandi lagaákvæði þegar ákveðið var að ríkið skyldi greiða Póstinum rúmar 500 milljónir króna fyrir veitta alþjónustu á árinu 2020, að frádregnu 250 milljóna króna viðbótarframlagi.
Stjórnvöldum sé ekki heimilt að ákveða að gildandi lagaákvæði sé óvirkt, eins og gert hafi verið, en yfirlýsingar þar að lútandi grafi undan grundvallarreglunni um þrískiptingu ríkisvaldsins.