Hinir ríku urðu tvöfalt ríkari í faraldrinum
Setja bókamerki
Tengdar fréttir
Kóngafólk í fjölmiðlum
Hinir ríku verða ríkari og hinir fátæku fátækari segir máltækið. Það sannaðist í kórónuveirufaraldrinum en sameiginlegur auður tíu ríkustu manna heims tvöfaldaðist í faraldrinum á meðan staða hinna efnaminni versnaði, að sögn góðagerðarsamtakanna Oxfam.
Lægri tekjur hinna efnaminnstu drógu 21.000 manns til dauða í faraldrinum, að því er fram kemur í skýrslu samtakanna.
Oxfam birtir almennt skýrslu um misrétti á alþjóðavísu við upphaf World Economic Forum fundarins sem venjulega er haldinn í Davos í Sviss. Þar koma venjulega saman þúsundir stjórnmálaleiðtoga, fyrirtækjaeigenda, stjarna, hagfræðinga og blaðamanna. Í ár, rétt eins og í fyrra, verður fundurinn haldinn rafrænt vegna faraldursins.
Nýr milljarðamæringur verður til daglega
Danny Sriskandarajah, framkvæmdastjóri Oxfam, segir að þróunin síðastliðið ár hafi verið fordæmalaus.
„Það hefur orðið til nýr milljarðamæringur nánast daglega í þessum heimsfaraldri á meðan um 99% fólks er verr statt en áður vegna lokana, minni alþjóðaviðskipta, minni ferðamannastraums,“ sagði Sriskandarajah í samtali við BBC.
Þá sagði hann að um 160 milljónum manna hafi verið „ýtt út í fátækt“ í faraldrinum.
„Það er eitthvað mjög gallað við efnahagskerfið okkar.“
Mest jókst auður Musks
Í skýrslunni vísa Oxfam í tölur frá Forbes. Tíu ríkustu menn heims eru þar sagðir vera Elon Musk framkvæmdastjóri Teslu, Jeff Bezos stjórnarformaður Amazon, franski viðskiptajöfurinn Bernand Arnault, ameríski viðskiptajöfurinn Bill Gates, landar hans Larry Ellison, Warren Buffett og Steve Ballmer, tölvunarfræðingurinn Larry Page (einn stofnenda Google), rússneski viðskiptajöfurinn Sergey Brin og Mark Zuckerberg framkvæmdastjóri Facebook.
Samanlagður auður mannanna tvöfaldaðist í faraldrinum en mest jókst við auð Musks en hann er nú 1.000 % ríkari en hann var fyrir faraldur.
Tengdar fréttir
Kóngafólk í fjölmiðlum
Markaðurinn hitnar og leiguverð hækkar hratt
Aðeins ein leið fær í Grindavíkurmálum
Ekki byggt í takt við áform sveitarfélaga
Ofsóttur innan veggja Boeing
„Þögnin er ærandi“
Hafa samþykkt kaup fyrir um 9,2 milljarða
Stóraukið fé til samgöngusáttmála
„Menn eru bara búnir að forgangsraða“