Sveinn ráðinn framkvæmdastjóri hjá Brimi

Sveinn Margeirsson, sveitarstjóri Skútustaðahrepps, hefur verið ráðinn framkvæmdastjóri nýsköpunar og loftlagsmála hjá Brimi, en hann mun taka formlega til starfa 1. ágúst. Greint er frá þessu í tilkynningu frá félaginu.

Hlutverk Sveins verður að skapa tækifæri til verðmætaaukningar í starfsemi og nærsamfélagi Brims og leiða í framkvæmd stefnu félagsins á sviði nýsköpunar, vöruþróunar og loftslagsmála. Viðfangsefni hans er að gæta að virðisauka í öllum starfsþáttum félagsins og heildarhagsmunum Brims til lengri tíma. Segir í tilkynningunni að Brim stefni að aukinni samvinnu við íslensk og alþjóðleg fyrirtæki, háskóla og rannsóknarstofnanir á sviði sjálfbærrar nýtingar hráefna og vistvæns rekstrar í samræmi við heimsmarkmið Sameinuðu þjóðanna.

Sveinn Margeirsson er með doktorspróf í iðnaðarverkfræði og hefur lokið stjórnunarnámi við Harvard Business School. Sveinn hefur starfað sem sjálfstæður ráðgjafi á sviði nýsköpunar og stefnumótunar, einkum tengt sjávarútvegi og verðmætasköpun í landbúnaði. Hann gegndi starfi forstjóra, sviðsstjóra og deildarstjóra hjá Matís en þar er unnið að nýsköpun og verðmætaaukningu i matvælaiðnaði. Þá hefur Sveinn verið sveitarstjóri Skútustaðahrepps frá 2020.

Í störfum sínum hjá Matís var Sveinn meðal annars í forsvari fyrir örsláturhúsaverkefni, en Matís hafði skoðað mögu­leik­ann á slíkri slátrun í tengsl­um við verk­efni sem miða að því að koma land­búnaðar­vör­um frá fram­leiðend­um til neyt­enda með bein­um hætti, en slíkt geng­ur jafn­an und­ir nafn­inu beint frá býli. 

Frétt af mbl.is

Fyrrverandi forstjóri Matís sýknaður

Komst málið í umræðu eftir bændamarkað á Hofsósi í Skagafirði þar sem meðal annars var selt kjöt frá bæn­um Birki­hlíð, en lömb­um hafði verið slátrað í sam­starfi við Matís og var það gert í sam­ræmi við verklag sem Matís hafði lagt til að gilti um ör­slát­ur­hús. Matvælastofnun var hins vegar ekki á því að reglum hefði verið fylgt, innkallaði kjötið og kærði Svein til lögreglu vegna málsins. Var að lokum gefin út ákæra, en Sveinn var að fullu sýknaður í héraðsdómi.

Eins og fyrr grein­ir var Sveinn for­stjóri Matís, en hon­um var sagt upp störf­um í des­em­ber árið 2018. Sam­kvæmt fund­ar­gerðum stjórn­ar, sem mbl.is fékk aðgang að árið 2019, mátti sjá að stjórn­in var ekki ein­róma um upp­sögn­ina og var ástæða upp­sagn­ar­inn­ar sögð trúnaðarbrest­ur, en deilt var um hvort Sveinn hefði upp­lýst stjórn­ina um heimaslátr­un­ar­verk­efnið. Var bók­un um umræðu um verk­efnið meðal ann­ars tek­in úr fund­ar­gerð áður en þær voru samþykkt­ar. 

Frétt af mbl.is

Stjórnin ekki einróma um uppsögn Sveins

• Blogga um frétt