Marel kaupir bandarískt fyrirtæki á 71 milljarð

Marel hefur skrifað undir samning um kaup á bandaríska fyrirtækinu Wenger en kaupverðið er um 71 milljarður íslenskra króna.

Wenger var stofnað árið 1935 en starfsmenn félagsins í dag eru um fimm hundruð talsins.

Í tilkynningu frá Marel segir að fyrirtækið sé leiðandi á heimsvísu í hátæknilausnum til framleiðslu á gæludýrafóðri, plöntupróteini og fóðri fyrir fiskeldi.

Áætlaðar árstekjur Wengers fyrir árið 2022 eru 190 milljónir bandaríkjadala, eða um 25 milljarðar íslenskra króna.

Í tilkynningu Marel segir: „Kaupin á Wenger eru mikilvægt skref inn á nýja og spennandi vaxtarmarkaði og mynda fjórðu tekjustoð félagsins, til viðbótar við alifugla-, kjöt- og fiskiðnaði. Kaupin eruð háð hefðbundnum fyrirvörum, þ.m.t. fyrirvara um samþykki samkeppnisyfirvalda og hluthafa Wenger.“

• Blogga um frétt