Íslenskt fyrirtæki þróar lífplashúð

Líftæknifyrirtækið Algalíf Iceland ehf. hefur skrifað undir samning við sprotafyrirtækið Marea ehf. um þróun á lífplasthúð úr þörungahrati. 

Þetta kemur fram í tilkynningu frá Algalíf sem fagnar tíu ára afmæli í dag.

Skref að aukinni sjálfbærni á Íslandi

Í tilkynningunni segir að um sé að ræða næfurþunna lífniðurbrjótanlega (e. biodegradable) húð um matvæli sem muni bæði minnka plastnotkun og draga úr matarsóun með því að auka geymsluþol matvæla.

Þá kemur fram að þessi nýting sé nýnæmi og geti orðið mikilvægt skref til aukinnar sjálfbærni á Íslandi sem og innlegg í verðmætaskapandi hringrásarhagkerfi framtíðarinnar. 

• Blogga um frétt