Íslenska netöryggisfyrirtækið Nanitor hefur tryggt sér 220 milljóna króna fjármögnun frá Brunni með þátttöku einkafjárfesta. Fjármagnið verður nýtt til stækkunar á erlendum mörkuðum en fyrir eru viðskiptavinir Nanitor meðal annars Booking.com, Rentalcars.com, Birmingham City Council, Oman Arab Bank, Festi, Rarik og Valitor.
Þetta kemur fram í tilkynningu.
Nanitor þróar netöryggislausnir og sérhæfir sig í rauntímagreiningu á heildstæðu grunnöryggi tölvukerfa fyrirtækja með því markmiði að bæta öryggisstöðu upplýsingakerfa.