Kröftugar hækkanir hlutabréfa í júlí

Hlutabréfamarkaðir heimsins hækkuðu kröftuglega í júlí. Þetta kemur fram í Hagsjá hagfræðideildar Landsbankans.

Í júní voru fremur miklar lækkanir á hlutabréfamörkuðum en á móti voru miklar hækkanir í júlí. Samt sem áður standa markaðir ennþá lægra en þeir voru í upphafi júní.

Íslenski markaðurinn hækkaði um 7% í júlí en mestu hækkanirnar voru í Svíþjóð þar sem markaðir hækkuðu um 12%.

Í júlí hækkuðu 19 af 22 félögum sem skráð eru á aðallista Kauphallarinnar í verði en einungis þrjú lækkuðu í mánuðinum. Icelandair Group hækkaði mest eða um ríflega þriðjung. Næstmesta hækkunin var hjá Eimskipum sem hækkaði um fimmtung. Origo var í þriðja sæti en fyrirtækið hækkaði um 16,4%.

• Blogga um frétt