Afkoma góð þrátt fyrir árstíðaráhrif

Eimskip áætlar að rekstrarhagnaður fyrir afskriftir (EBITDA) á fjórða ársfjórðungi verði á bilinu verði á bilinu 37,2 - 38,7 milljónir evra, eða því sem nemur, 5,7 - 6 milljörðum íslenskra króna. Til samanburðar var EBITDA á sama ársfjórðungi árið 2021 31,5 milljónir evra, sem nemur nú um 4,9 milljörðum króna.

Þetta kemur fram í tilkynningu Eimskipafélags Íslands hf.

Frétt af mbl.is

Hagnaður Eimskips ofar væntingum

Þá er áætlað að EBIT fjórðungsins verði á bilinu 20,9 – 22,9 milljónir evra, sem nemur 3,2 - 3,5 milljörðum króna, samanborið við 17,5 milljónir evra, eða 2,7 milljörðum króna á fjórða ársfjórðungi 2021.

„Þrátt fyrir hefðbundin árstíðaráhrif, var afkoma af alþjóðlegri starfsemi félagsins góð og nýting í siglingarkerfi félagsins var góð á fjórðungnum,“ segir í tillkynningunni.

Eimskip mun birta uppgjör fyrir fjórða ársfjórðungs eftir lokun markaða þriðjudag 14. febrúar 2023.

Frétt af mbl.is

Eimskip sendir frá sér jákvæða afkomuviðvörun

• Blogga um frétt