29. maí 2012

Ferðamennska til fjár

Fyrstu fjóra mánuði ársins fjölgaði erlendum ferðamönnum sem hingað koma um 20% sé miðað við síðasta ár. Það er staðfesting á þeim gríðarlega vexti sem er að eiga sér stað í ferðaþjónustu hér á landi og augljóst að væntingar um að ein milljón ferðamanna leggi leið sína hingað á ári eru síður en svo óraunverulegar. Hversu vel við erum í stakk búin til að taka við þessum fjölda er annað mál en stefnan í ferðaþjónustu virðist frekast byggjast á væntingum en nákvæmu skipulagi. Við höfum því ákveðið að láta slag standa og nú þegar eru helstu ferðamannastaðir landsins orðnir allt of ásetnir og Íslendingar sjálfir treysta sér illa til að sækja þá. Landsmenn virðast vera tilbúnir að fórna því fyrir meiri ferðamennsku og augljóst að sumir telja þetta betra og náttúrvænna fyrirkomulag en uppbygging orkufreks iðnaðar. Um það má þó augljóslega deila.

Fjárfesting í ferðaþjónustu hefur í gegnum tíðina verið vandasöm og lengi vel var það þumalfingursregla að hótel þyrfti að fara að minnsta kosti þrisvar á hausinn áður en hægt væri að láta enda ná saman í rekstri þess. Augljóst er að lágt gengi krónunnar ýtir á eftir hraðri aukningu ferðamanna en margvísleg kynning er einnig að skila sér. Það er hins vegar svo komið að  fjárfesting í ferðaþjónustu skiptir miklu nú um stundir. Háttar svo til að á stórum landssvæðum er eina atvinnuvegafjárfestingin á sviði ferðaþjónustu og ljóst er að margir eru að taka talsverða áhættu með uppbyggingu sinni.

Lítil nýting fjárfestingu

Útgjöld erlendra ferðamanna voru áætluð um 133 milljarðar króna á árinu 2011 eða um 13% hærri en árið 2010. Erfitt hefur verið að fá ferðamenn til að auka eyðslu sína hér á landi og sömuleiðis er erfitt að fá þá til að koma utan háannatíma. Það þýðir að fjárfesting vegna ferðaþjónustu er aðeins í hámarksnýtingu þrjá mánuði á ári. Aðra hluta ársins eru ferðaþjónustuaðilar að reyna að þreyja þorrann. Ljóst er að það bíður mikið starf við að ná meira jafnvægi í ferðamennskuna, fá erlenda ferðamenn til að eyða meira hér og tryggja að laun í ferðaþjónustu séu samkeppnisfær.

Icelandair áætlar að farþegafjöldi ársins verði um tvær milljónir sem er um 15% aukning frá farþegafjölda síðasta árs.  Félagið hefur líklega seint eða aldrei verið jafn sterkt fjárhagslega og hefur varið miklum fjármunum í uppbyggingu hótelstarfsemi undanfarið ár. Nægir að nefna þrjú hótel því til sönnunar; Hótel Natura, Hótel Marina og nú um næstu mánaðamót mun 100 herbergja hótel á Akureyri taka til starfa. Verður forvitnilegt að sjá hvernig þessar fjárfestingar nýtast uppbyggingu þessa ferðarisa Íslands.
24. maí 2012

Ríkisvæðing leigumarkaðarins

Ríkisstjórnin hefur kynnt úrræði á íbúðamarkaði sem eiga í senn að bæta stöðu þeirra sem basla við að eignast þak yfir höfuðið og þó ekki síður þeirra sem leigja. Það er velferðarráðherra sem fær heiðurinn af því að færa landsmönnum pakkann sem að sjálfsögðu er kynntur sem gjöf ríkisstjórnarinnar. Er hér vísað í nýtt frumvarp um Íbúðalánasjóð og tillögur um nýtt og gjörbreytt húsnæðisbótakerfi sem Meira
21. maí 2012

Framtíðarfyrirtæki eða hvað?

Það er ekki hægt að segja annað en að uppbygging og útbreiðsla samskiptasíðunnar Facebook hafi verið ævintýri líkust. Ef litið er á notendur Facebook sem viðskiptavini þá má segja að rúmlega 100 milljónir viðskiptavina hafi bæst við árlega síðan Mark Zuckerberg stofnaði Facebook árið 2004. Flestir hafa vitaskuld bæst við á síðustu árum en í dag eru notendur samskiptasíðunnar yfir 900 milljónir Meira
18. maí 2012

Í landi hafta

Fátt truflar íslensk viðskiptalíf meira en gjaldeyrishöftin sem eru nú á sínu fjórða ári. Sagan hefur kennt mönnum að höft sem þessi hafa tilhneigingu til þess að festast í sessi vegna þess að það þarf kjark til að aflétta þeim. Núverandi áætlun Seðlabankans gengur út frá afnámi haftanna í ótímasettum og varfærnum skrefum og með það að markmiði að afstýra falli krónunnar við afnám þeirra. Flest Meira
14. maí 2012

Óskabarnið á markað

Eigendur Eimskipafélagsins hafa boðað að félagið verði skráð á markað næsta haust. Margir verða án efa til að fagna því enda Eimskipafélagið yfirleitt verið mikilvægur þátttakandi í íslensku kauphöllinni í gegnum tíðina. Eimskipafélagið var stofnað 1914 og voru 15% af þjóðinni stofnhluthafar. Óhætt er að segja að félagið hafi verið leiðandi flutningafyrirtæki á Íslandi alla tíð með sterka stöðu á Meira
10. maí 2012

Ekki gera ekki neitt

Sérfræðingar hafa nú kveðið uppúr um að breyting á þingsályktunartillögu um að færa virkjanir í neðri hluta Þjórsár og Skrokkölduvirkjun í biðflokk er ákaflega kostnaðarsöm. Fjárfesting og afleidd áhrif orkunýtingar á landsvæðum verða 270 milljörðum króna minni en ella verði breytingar á rammaáætlun raunin. Það var tímabært að fá þessar tölur fram. Þar með er komin verðmiði á að það ef við gerum Meira
7. maí 2012

Hnignun þjóðar

Yfirleitt er þróun mannfjölda eitt skýrasta dæmi um hvort þjóðir eru á framfara- eða hnignunarskeiði og þarf ekki að fara aftur til Rómar til að sjá dæmi um slíkt. Það er þó vert að hafa í huga að heimsborgin fór frá því að hafa milljón íbúa, þegar hún stóð á hátindi sínum, niður í 30 þúsund íbúa á tímabili sem eru kallaðar hinar myrku miðaldir. Ef við lítum til tíma sem standa okkur nær þá vakti Meira
2. maí 2012

Löskuð rammaáætlun

Undanfarin misseri hefur alloft gefist tækifæri til að skoða og velta fyrir sér rammáætlun um verndun og nýtingu orkulinda landsins. Tilgangur rammaáætlunar í upphafi var að framkvæma frummat á tilhögun einstakra virkjana og umhverfisáhrifum þeirra. Um leið átti að benda á vankanta sem sníða mætti af hverri einstakri hugmynd áður en hún lendir í blindgötu. Sömuleiðis átti að leiðbeina um Meira
30. apríl 2012

Þekkingin í orkunni

Við Íslendingar göngum að því vísu að hafa nóg rafmagn og nægan hita þegar við þurfum þess. Að tengja öryggismál við orkuöflun er okkur framandi og því skiljum við ekki þá hugsun sem ræður miklu í orkuöflun flestra annarra ríkja. Samfélögin velta á því að orka sé til staðar og sjá menn fyrir sér að þjóðfélagsskipunin myndi fljótt riðlast ef svo væri ekki. Að tryggja næga orku er því öryggismál að Meira
26. apríl 2012

Sala ársins?

Sala á lyfjafyrirtækinu Actavis til bandaríska fyrirtækisins Watson Pharmaceuticals fyrir 4,25 milljarða Bandaríkjadala eða 700 milljarða króna vekur líklega meiri athygli erlendis en hér heima. Í ringulreiðalandinu Íslandi hafa fréttir af Actavis fyrst og fremst snúist um vandræði Björgólfs Thors Björgólfssonar og skuldauppgjör hans. Ljóst er að salan einfaldar það mjög en ekki má gleyma því að á Meira