Ummælin geta sett samning í uppnám
Setja bókamerki
Formaður Sjómannasambandsins segir að ummæli sjávarútvegs- og landbúnaðarráðherra um að hún sé mótfallin sértækum aðgerðum, þar á meðal niðurgreiðslu launa fyrir útgerðarmenn, geti sett nýtt tilboð sem samninganefndir sjómanna lögðu fram í gær í uppnám.
Þorgerður Katrín Gunnarsdóttir, sjávarútvegs- og landbúnarðarráðherra var í viðtali við Rúv í morgun.
„Við teljum ekki að þetta séu sértækar aðgerðir. Það er ekki verið að niðurgreiða nein laun. Við erum að fara fram á að fæðispeningar sjómanna séu skattfrjálsir en fæðispeningar eru greiddir af útgerðinni að fullu til að mæta kostnaði sjómanna við fæði sitt,“ segir Valmundur Valmundsson, formaður Sjómannasambandsins.
„Ef þetta er ekki inni í samkomulaginu þá er þetta andvana fætt,“ segir hann og telur að ríkisstjórnin vilji ekki koma að málinu með neinum hætti.
Spurður hvort krafan um fæðispeninga sé ófrávíkjanleg, segir hann að hún sé eitt af því sem krafist er til að samningar geti náðst.
Segir að ekkert verði af kjarasamningi
Vilhjálmur Birgisson, formaður Verkalýðsfélags Akraness og samningamaður sjómanna, greinir frá því á Facebook-síðu sinni að ekkert verði af nýju kjarasamningi við SFS „þótt þau myndu fallast á okkar tilboð því það var háð þeim ófrávíkjanlegu skilyrðum að sjómenn myndu njóta dagpeninga eins og annað launafólk í þessu landi,“ skrifar hann.
„Nú hefur sjávarútvegsráðherra talað enn og aftur skýrt um að íslenskir sjómenn fái ekki að sitja við sama borð og annað launafólk í þessu landi og með þessum ummælum deyr það tilboð drottni sínum sem lagt var fram í gær til Samtaka fyrirtækja í sjávarútvegi!“
„Þetta náttúrulega endar með ósköpum“
Fara ekki lengur fram á einangrun yfir Davíð
Búið að bólusetja börn alla helgina
Segir nýtt frumvarp gefa eldisfyrirtækjum auðlindir
Mest spennandi kosningar í áratugi
Átta morðmál á aðeins tólf mánuðum
Katrín: Jóhönnustjórnin talaði máli Íslands
Moses Hightower og Prins Póló gefa út eyjalag